|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 23. | 8 августа 1924 г. | № 23. |
| ПОКШ ТЕВ. |
Чопуда, пек чопуда минек эрзя-мокшонь народось. Наркомпросонь эрзя-мокшонь бюрось самай берянь сведениянь кувалт нефти 575.000 овсе ловномо амаштыщя ломань. Те цифрась пры анцяк 14 иестэ 35 иес эрзятнэнь лангс. Теде башка сыретнень ютксо ловномо амаштыцятнэде седеяк ламо. Эрзянь аватнень ютксо грамотной а муят как. Весемезэ эрьва сядо ломаньстэ минек улит анцяк 20 ломань, конат маштоволть бу ловномо.
Секс минек самай покш тевекс, васенце тевекс ащи тонафнима тев. Те тевенть кувалт лия нациятнеде, чуваштнэнь, марийтнень коряс минь кадовинек пек удалов.
Минек те шкамс аламо школанок, эрзянь школатнэнь эзга а сатыть эсинек тонафтыцянок, арасть ощо эсинек кельсэ тонафтума кинигано. Эрзянь-мокшонь тонафтыцятнень (учительтнень) икеле ащить ламо арсимат ды кевкстимат кода седе парсте уставамо тонафтума тевенть. Тень кувалт тедиде эрьва губернятнень эзга пурнавкшныть эрзянь тонафтыцятнэнь конференцият. Тунда ульнесь Лукоянов ошнэ Нижегор. губ. Ютась недлясто васенце августонь читнястэ ульнесь промкс Саратовской губернянь тонафтыцятнэнь. Август ковонь кемеце чистэ пурнавить Пенза губернянь тонафтыцятнэ. Те ковсонть наверна, ульме карми тонафтыцятнэнь промкс Самарсо. Не промкснэнень пурнавкшныть эрьва эрзянь-мокшонь школасто учительть. Сынь сех маласо ащить тонафтума тевентень. Сынь седе парсте нейсызь мезень ули паро-беряньзэ минек те тевенть эйсэ.
Весе эрзятнэ кемить, што не промкснэсэ тонафтыцятнэ парсте арсесызь минек тонафнима тевенть ды нефтить ки кода эрзятнэнь седе парсте ды седе курок лифтемс валдо чис.
Чумбра чи эрзянь-мокшонь тонафтыцятнэнень!
| А пак тонафтнэ сюровидиця — берень од эрямонь строиця. |
Октябрской революциясь миненек крестьяннэнь макс стяко 280 мил. дестетина мода. Те модасонть видить сюровидицят и саить вельть аламо сюро. Англиясо, Америкасо, Данияисо сюро чачи пондонь видезь 30—40 понт, а минек 5—7 цонт. Мейсь истя? Секс тосо сюровидицятне весе тонафтозь. Сынь умок неизь коли кинигань, агроном валтнень коряс кармат тееме, сестэ сюрояк саять. Апак тонафтне кинига аловнуви тонеть, ды агрономонь валтне ачаркодвить. Коли истя — сэстэ эряви тонафлемс. Минек Росси ясо сюроридицятнэ аволь анцяк апак тонавт, ну и кинигасть мезекскак апутсызь. Кинигань лезэсь ачаркодеви тенст. „Э — мерить минек сюровидицятнэ — кинигань, агрономонь валонь кувалт молят — мезеньдяк лезэ а неят“. Вана кода минек ваныть кинига лангс. Мезе кинигасонть сермадозь асоды, а сонць мери мезеньдяк лезэ арась. Ловнуфтомс бу киниганть ловнума — маштыцянть кецтэ а сон курок седе цыгаркакс тарги эйсэнэ. Знама сестэ кинигать мень дяк лезезэ аули.
Кода арцитядо эряви миник кинигань лезэсть нееме ды содамо, эряви кодаяк стяфтомс хозяйстванок пильге ланкс, ды пондо видезь саемс 30—40 п. сюро?
Коли эряви, сестэ эряви и содамс, что минденек мейле кармить эрямо пакшанок (эйкакшомок) сюнст кис ведь стараятанок тееме паро эрямо. Минь сыретянок, курок кулутанк, а сынь кадовить ведь эрямо.
Коли минь акарматано стараямо сынст тонафтомо, сынь минек лацо кармить эрямо ды нужа кандомо эсь лангсост. Икеле инязоронь пингстэ тожо тонафсть эснэнек, ды ведь лезэсь попонь кедень палсимадо башка мезеньдяк арасель. Правительсвась пелиль тонафтозь сюровидицядо — бунтувамо мери карми.
Ней властесь миннцинек, тонафтозь сюровидицядо а пели, да РКП (б.) партиясь стараи кодабу тонафтомс сюровидицянть.
Улить ламо ищо сюровидицянь ютксо истят, конат школасо-тонафнимань тев ланкс ваныть сур юткова. Яла эряволть икеле лацо конат кортыть ищо истя: „бодям бабам, тетям, авам а пак тонавт пингэст печтизь моненьгак уж истя пазось мерсь“. Эрясть, кулость, зняро нужа нейсть. Коли тонавтозь улевельть зняро нужа а неевельть. Сайдянок хоть истямо пример. Тетязо серма кучеволь церанстэ, кона служи армиясо ды а кучови кодаяк. Мейсь мерезь? Сермадомо амашты. Чиини велева ды знярдо ощо муи. Муияк яла уш сермасонть мезе бути асаты, коли сонць сермадоволезэ, сестё и седеезэ таркасонзо ащевель.
Эрьва кодамо тевс иля кунда яла эряви танавтозь ломаннень чиеме.
Нейгак вана декрет лиситьбь, а ве сюровидиця асоды мезэ тосо сермадозь.
Секс ведь меркшнить тонавтозь ломань аёми.
Курок опеть школатнэва кармить пакшатнесэ тонафтумо. Хоть школань тефтнэ беренть яла теке эряви кучомос пакшанк тонафтнеме.
Минек сюрэвидицятнень яла кода бутим улить валост, конатнэ ащить школав акучмонь кис. То работыця эряви кудосо, то ощо мезеяк.
Особливо тейтерь-пакшат а кучить школав. Чулансо пецька икеле аванзо маро возямо ды щерьдеме эряви тензэ.
Истя мерезь ды теезь, истяк и кулат апак тонафть. Тон первойгак тонафтык церат-тейтереть, сестэ уж эснэнзэ роботавт. Сестэ сон тоне кинигань кувалт карми тееме тевсэнть, ды тевень прядось, ютко шкасто и газета, книга тенть карми ловномо.
Советской Россиясо эряви сюровидицянень стараямс, чтобу арамс тонафтозь лома маро вейцэ.
Ве пакша илязо кодав апак тонавт. Советской Россиясо апак тонафт сюровидиця берень од эрямонь строиця.
Е. Г.
| Лия масторга. |
| Всеобщей забастовkа в В. Силезиясо. |
Варшавасто сермадыть, что В. Силезиясо забастовкась яла виеми. Бастовить 200 тыща робочейть.
Капиталистнэ ащить сеньгис, чтобу робочейтне сутка-сонзо робутавольть 10 част ды убавамс робутамонь кис питнесть.
Коли рабочейтнэ а согласить, сестэ грозить фабрикань, заводонь пекстамосо.
| Япониясо арцить СССР-сэ ловомо заkонной правительстваkс. |
Кархан ялгась, кортась японской газетс сермадыця маро, конатнэ ефтасть, что Япокиясо арцить ловомо СССР-сэ законной правительствакс. Япония бажи получамо весе парость северной Сахалинсэ эстест, но минек превительствась а согласи.
| Англия маро эсть кортавт. |
Валске вторниксте 5 августа англо-советской конфенциянь тевтне прядовсть. Учинек яла кодаяк согласямо марост, ну мезеяк эзь листь. Договор кодамояк тев ланкс эсть серматст. Английской капиталистнэ вейшть минек правительствань делегациянь пельде пандомо тенст: икелень инязоронь пиньгень долгтнень, (кода революциясь минек сторонасто ортынзе англиянь фабрикантнэнь-заводчикнэнь, ней сынь вешить пандомо) убыткатнэнь, или мекев максомс тенст фабрикаст, заводост, пандомс тенст убыткаст Советской властень карчо молемань кис (Колчакон, Деникинынь пингсте сынь вельть лездасть тенст ортамо Сов. властенть). Минек делегациясь эзь соглася весе пандомо и сынь эсть соглася. Минь акарматано пиштевтемэ сынст темест гак и сыненст асюкунятано.
| Советэнь масторга. |
| 2 августа Нижегородской ярморкась панчтоць. |
Ярморкастень састь торговамо 111 государственной фирмат, 21 кооперативной, чиньстямо ёндо 70 фирмань товар кучозь. Весе таварс онкстазь таргась 2.352.327 понт.
| 15 август чистэ лиси светс лия червонец. |
Государственной банкась 15 август чисте нолды лия чернонец конась карми ащеме 30 целковой. Лиця ено лангонзо рисовазь 30 сюровидиця и государственной герб СССР.
Лемезе улеме карми „билет государственная банка СССР“. Икелень червонецнэ теке кармить якамо икеле лацо.
| Ускить мануфактура. |
Правительствась стараи кучомо мануфактура окраинатненень СССР-сэ. Чугункань килангонь центральной управлениясь карми мануфактурасонть 15 август ковдо мееле специальной поездне ускомо, конат кармить ардомо 300 валгейбе сутка-зонзо.
